Астанада сайт жасау

Астанада сайт жасайтын студия іздесеңіз, бірден ашық айтайық: BAGYT — Алматыдағы студия, елордада кеңсеміз жоқ. Астана компанияларымен қашықтан жұмыс істейміз және процесті қашықтық кедергі болмайтындай етіп құрдық: бейнеқоңыраулар, апта сайын демо, ортақ чат, құжаттар мен кіру деректері онлайн. Төменде — бұл қалай жүретіні, қанша тұратыны және мердігерді басқа қаладан таңдағанда неге назар аудару керегі.

Астанада сайт жасау қашықтан: жұмыс қалай жүреді

Сайт келіссөз бөлмесінде емес, браузер мен кодта жасалады. Әдетте кездесуде талқыланатынның бәрін экранда көрсетеміз: құрылымды, прототипті, дизайнды және сайттың жұмыс нұсқасын.

• Қоңыраулар. Танысу, міндетті талқылау және кезеңдерді қабылдау — бейнебайланыс арқылы, өзіңізге ыңғайлы уақытта.
• Апта сайын демо. Аптасына бір рет жұмыс нұсқасына сілтеме аласыз да, не істелгенін өзіңіз көресіз — скриншотсыз әрі сөзбен айтылған есепсіз.
• Ортақ чат. Сұрақтар, түзетулер мен материалдар бір жерде, жауап — бір жұмыс күні ішінде.
• Құжаттар мен кіру деректері онлайн. Сметаны, мерзімді және кезеңдерді жұмыс басталғанға дейін жазбаша бекітеміз. Домен, хостинг, код және кіру деректері сіздің атыңызға рәсімделеді.
• Бір уақыт белдеуі. 2024 жылдан бері бүкіл Қазақстанда уақыт бірдей, сондықтан біздің жұмыс күніміз сіздікімен сәйкес келеді.

Астанада жеке кездесуге уәде бермейміз. Мердігерді әр кезеңде көзбе-көз көру сіз үшін маңызды болса, жергілікті студияны таңдаған дұрыс — бұл да қалыпты шешім.

Веб-студияны неге міндетті түрде Астанадан іздеу керек емес

«Веб-студия Астана» деп іздеу таңдауды жақын маңдағы бірнеше компаниямен шектейді. Бірақ кеңсеге дейінгі қашықтық дизайнға да, сайттың жылдамдығына да, іздеудегі орнына да әсер етпейді. Басқа нәрсе әсер етеді: мердігер міндетіңізді түсіне ме, жұмысты барысында көрсете ме, бағаны алдын ала айтуға дайын ба.

Бүкіл ел бойынша таңдағанда тәсілдер мен бағаларды көбірек салыстырасыз. Тек студия үшін қашықтан жұмыс мәжбүрлі шара емес, үйреншікті процесс екенін тексеріңіз: түсінікті кезеңдер, тұрақты демо және жазбаша смета болуы керек.

Астанада сайт жасау бағасы

Бағалар барлық қала үшін бірдей: сіз Астанада, біз Алматыда болғанымыз үшін бағаны қоспаймыз да, азайтпаймыз да.

Лендинг бір қызметке тез өтінім жинау немесе жарнама алдында сұранысты тексеру керек болғанда қолайлы. Корпоративтік сайт — компанияның негізгі витринасы: қызметтер, бағалар, команда, құжаттар, формалар. Интернет-дүкен — каталог, сүзгілер, себет, төлем мен жеткізу, қажет болса 1С-пен алмасу және Kaspi қосу. Мобильді қосымшаны React Native-те жасаймыз: iOS пен Android үшін бір код базасы.

Алдын ала соманы баға калькуляторында қоңыраусыз әрі тіркелусіз есептеуге болады. Нақты сметаны қысқа қоңыраудан кейін, бір жұмыс күні ішінде айтамыз.

Елорда бизнесіне арналған сайттар

Астанада мемлекеттік органдармен, ұлттық компаниялармен және ірі тапсырыс берушілермен жұмыс істейтін компаниялар көп: мердігерлер, жобалау және сервистік фирмалар, оқу орталықтары, клиникалар. Олардың сайтын көбіне іздеуден келген клиент емес, мәміле алдында компанияны тексеретін адам ашады. Мұндай сайтқа мыналар маңызды:

• бір аударылған бет емес, қазақ және орыс тілдеріндегі толық нұсқалар;
• қызметтер, тәжірибе, лицензиялар мен құжаттар туралы түсінікті бөлімдер;
• жылдам жүктелу және ұқыпты мобильді нұсқа — сайтты жиі хаттағы сілтеме арқылы телефоннан ашады;
• өтінімдер мен дербес деректерді Қазақстандағы серверлерде сақтау — мұны дербес деректер туралы заң талап етеді;
• жауапты қызметкерге шынымен жететін формалар мен байланыстар.

Бөлшек сауда мен қызмет көрсетуде басқа нәрсе маңызды: бір-екі қадамда өтінім қалдыру, WhatsApp, онлайн-жазылу немесе Kaspi арқылы төлеу, 2ГИС пен карталардағы сайтпен сәйкес келетін карточкалар.

Астана үшін қазақша нұсқа — қосымша опция емес

Қазақ тілі — мемлекеттік тіл, ал елордада көптеген клиент пен серіктес іс жүргізгенде де, іздегенде де қазақ тілін таңдайды. Соған қарамастан көп компанияның сайтында қазақша нұсқа жоқ немесе ол машиналық аудармамен жасалған — бұл бірінші абзацтан-ақ байқалады.

Сайттарды қазақ, орыс және ағылшын тілдерінде жасаймыз. Қазақша нұсқа орысшамен бірдей бөлімдерді, формаларды, метатегтер мен SEO баптауларын алады, ал беттердің мекенжайлары бөлек болады — іздеу жүйесі оны қазақша сұраныстар бойынша көрсетуі үшін. Қазақша сұраныстар бойынша бәсеке әлдеқайда төмен, сондықтан сапалы нұсқа қосымша трафик те әкеледі.

Студия таңдағанда неге қарау керек

Мердігер қай қалада болса да, бірнеше нәрсені тексеріңіз:

1. Нақты жұмыстар. Макет емес, ашып көруге болатын іске қосылған сайттар. Біздің жұмыстар — кейстер бөлімінде.
2. Баға жұмыс басталғанға дейін. «Барысында есептейміз» емес, кезеңдерге бөлінген смета мен жазбаша бекітілген мерзім.
3. Бәрі кімдікі болады. Домен, хостинг, код және кіру деректері сіздің атыңызға рәсімделуі тиіс.
4. Жұмысты қалай көрсетеді. Тұрақты демо мен жұмыс нұсқасына қолжетімділік — жоба ұмыт қалмайтынының басты белгісі.
5. Іске қосылғаннан кейін не болады. Қателерді кім түзетеді, өзгерістерді кім енгізеді және бұл қанша тұрады.

Толығырақ — әзірлеу студиясын қалай таңдау керек мақаласында.

Қалай бастау керек

Міндетті формада сипаттаңыз немесе бюджетті калькуляторда есептеп көріңіз. Бір жұмыс күні ішінде жауап беріп, қоңырау уақытын ұсынамыз және баға мен мерзім бойынша бағдар айтамыз. Міндет әлі нақты болмаса, қысқа әңгімеден бастаймыз: сайт бизнес үшін не істеуі керек және оған кім келеді.